Ik mauj-e-rang kaanp ke aalam pe chhaa gaii

Kul chaandni simat ke gulon mein samaa gaii

Zarre bane nujum zamin jagmagaa gaii

Chhodaa sahar ne tiirgi-e-shab ko kaat ke

Udne lagi hawa mein kiran ose chaat ke

Machli jabiin-e-sharq pe iss tarah mauj-e-nuur

Lahraa ke tairne lagi aalam mein barq-e-tuur

Udne lagi shamiim chhalakne laga suruur

Khilne lage shagufe chahakne lage tuyuur

Jhonkey chaley hawa ke shajar jhumne lagey

Masti mein phuul kanton ka munh chuumne lagey

Tham tham ke zau-fishaan hua zarron pe aaftaab

Chhidka hawa ne sabza-e-ḳhvaabiida par gulaab

Murjhaaii pattiyon mein machalne laga shabaab

Larzish hui gulon ko barasne lagii sharaab

Rindaan-e-mast aur bhi sarmast ho gaey

Tharraa ke hont jaam mein paivast ho gaey

Doshiza ek ḳhush-qad o ḳhush-rang-o-ḳhuub-ru

Maalan ki nuur-diida gulistaan ki aabru

Mahka rahi hai phulon se daamaan-e-aarzu

Tiflii liye hai gode mein tufaan-e-rang-o-bu

Rangiiniyon mein khelii gulon mein palii huii

Nauras kalii mein qaus-e-quzah hai dhalii huii

Masti mein ruḳh pe baal pareshaan kiye hue

Baadal mein sham-e-tuur farozaan kiye hue

Har samt naqsh-e-paa se charaaġhaan kiye hue

Aanchal ko baar-e-gul se gulistaan kiye hue

Lahraa rahii hai baad-e-sahar paanv chuum ke

Phirtii hai tiitarii sii ġhazab jhuum jhuum ke

Zulfon mein taab-e-sumbul-e-pechaan liye hue

Aariz mein shoḳh rang-e-gulistaan liye hue

Aankhon mein ruh-e-baada-e-irfaan liye hue

Honthon mein aab-e-laal-e-badaḳhshaan liye hue

Fitrat ne tol tol ke chashm-e-qubul mein

Saaraa chaman nichod diyaa ek phuul mein

Ai huur-e-baaġh itnii ḳhudii se na kaam le

Ud kar shamiim-e-gul kahiin aanchal na thaam le

Kaliyon ka le payaam sahar ka salaam le

Kaifi se husn-e-dost ka taaza kalaam le

Shaaer ka dil hai muft mein kyuun dard-mand ho

Ik gul idhar bhi nazm agar ye pasand ho

The Virginal Flower Girl

Look! Dawn has broken and the assembly of stars has gone into hiding

Look! A beam of light spills from the goblet of the sun

An impish beauty begins to appear in nature

Luminous light begins to rain down and the earth turns into a bride

Songs of the morning begin to echo and a tumult breaks out

The universe is drenched in the wine of immortality

The rose-tinted twilight makes the henna leaves quake

A wave of colour quivers and courses through the universe

Moonlight gathers itself and seeps into flowers

Specks turn into stars and the earth begins to sparkle

But as dawn cuts through the darkness of the night

A beam of light dances on, licking a drop of dew

A wave of light trembles on the forehead of the rising sun

As though lightning from Mount Sinai ripples across the sky

A fragrance wafts through and intoxication brims over

Buds bloom just as birds begin to chirp and chirrup

Trees sway and bow to gentle puffs of breeze

Heady flowers kiss the mouth of thorns

Bit by bit the sun begins to irradiate specks and particles

The air sprinkles rose water on the somnolent greenery

Youth ripples anew in wilted leaves