Break the necklace studded with precious stones if it has become a yoke

Break the goblet offered to you by men of wisdom and sagacity

Like a storm you must spill over and seethe

Arise, my dearest! You have to walk beside me

If you are Plato and Aristotle, you are also bright as the Pleiades

Heaven is in your control and earth lies beneath your feet

Raise your forehead, yes, raise it quickly, from the feet of destiny

I am not going to wait for you, neither will Time

How long will you stumble, you must take care

Arise, my dearest! You have to walk beside me

Bewa ki Khudkushi

Ye andheri raat ye saari fazaa soi hui

Patti patti manzar-e-ḳhaamosh mein khoi hui

Maujzan hai bahr-e-zulmat tiirgi ka josh hai

Shaam hii se aaj qindiil-e-falak ḳhaamosh hai

Chand taare hain bhi to be-nur pathraae hue

Jaise baasi haar mein hon phuul kumhlaae hue

Khap gayaa hai yuun ghataa mein chaandni ka saaf rang

Jis tarah maayusiyon mein dab ke rah jaae umang

Umdii hai kaali ghataa duniya duboney ke liye

Yaa chali hai baal khole raand roney ke liye

Jitni hai gunjaan basti utni hii viiraan hai

Har gali ḳhaamosh hai har raasta sunsaan hai

Ik makan se bhi makiin ki kuchh ḳhabar miltii nahiin

Chilmanein utthtii nahiin zanjiir-e-dar hiltii nahiin

So rahey hain mast-o-beḳhud ghar ke kul piir-o-javaan

Ho gaii hain band husn-o-ishq mein sargoshiyaan

Haan magar ik samt ik goshe mein koii nauhagar

Le rahii hai karvaton par karvatein dil thaam kar

Dil sambhaltaa hii nahin hai siina-e-sad-chaak mein

Phuul saa chehra ataa hai bevgii kii ḳhaak mein

Ud chalii hai rang-e-ruḳh ban kar hayaat-e-musta.aar

Ho rahaa hai qalb-e-murda mein jawani ka fishaar

Hasratein dam todtii hain yaas kii aaġhosh mein

Saikdon shikve machalte hain lab-e-ḳhaamosh mein

Umr aamaada nahiin murda-parastii ke liye

Baar hai ye zinda mayyat dosh-e-hasti ke liye

Chaahti hai laakh qaabu dil pe paatii hii nahiin

Hai-re zaalim jawani bas mein aatii hii nahiin

Thartharaa kar girti hai jab suune bistar par nazar

Le ke ik karvat patak deti hai woh takiye pe sir

Jab khanak utthti hain sotii ladkiyon kii chudiyaan

Aah ban kar utthne lagtaa hai kaleje se dhuaan

Ho gai bewa ki ḳhaatir niind bhi jaise haraam

Muḳhtasar saa ahd-e-vaslat de gayaa soz-e-davaam

Dopahar ki chhaanv daur-e-shaadmaanii ho gayaa

Pyaas bhi bujhne na paai ḳhatm paani ho gayaa

Le rahi hai karvaton par karvatein baa-iztiraar

Aag mein paara hai yaa bistar pe jism-e-be-qaraar

Pad gaii ik aah kar ke ro ke utth baithii kabhi

Ungliyon mein le ke zulf-e-ḳham-ba-ḳham ainthi kabhi

Aa ke honthon par kabhii maayus aahein tham gaiin

Aur kabhi suuni kalaai par nigaahein jam gaiin

Itnii duniya mein kahiin apni jagah paati nahin

Yaas iss had kii ki shauhar kii bhii yaad aatii nahin

Aa rahey hain yaad paiham saas nandon ke suluk

Phat rahaa hai ġham se siina utth rahii hai dil mein huuk