Every word must have appeared inscribed on her forehead

Flustered, she must have tried to evade every glance

Every fading inscription must have revealed a hundred faces

While removing my photograph from the table

She must have found me quivering in agony all around her

Inappropriately teased, her feelings must have boiled over

Her sorrows must have seeped into her abashed smile

When tears must have sprung up at the mention of my name

She wouldn’t have raised her head from her friend’s shoulder

When someone would have insisted on tidying her hair

Autumn would have spread in all its glory on her displeased beauty

Coquettish glances would not have flashed like lightning

And her face would have remained pale and colourless for days

Aurat

Utth meri jaan! mere saath hii chalna hai tujhe

Qalb-e-mahaul mein larzan sharar-e-jang hain aaj

Hausle waqt ke aur ziist ke yak-rang hain aaj

Abginon mein tapan walwala-e-sang hain aaj

Husn aur ishq hum-awaaz o hum-ahang hain aaj

Jis mein jalta huun usi aag mein jalna hai tujhe

Utth meri jaan! mere saath hii chalna hai tujhe

Tere qadmon mein hai firdaus-e-tamaddun kii bahaar

Teri nazron pe hai tahzib-o taraqqui ka madaar

Teri aaghosh hai gahwara-e-nafs-o-kirdaar

Taa-ba-kai gird tere wahm-o taayyun ka hisaar

Kaund kar majlis-e-khalwat se nikalana hai tujhe

Utth meri jaan! mere saath hii chalna hai tujhe

Tu ke be-jaan khilaunon se bahal jaati hai

Tapti saanson ki haraarat se pighal jaati hai

Paanv jis raah mein rakhti hai phisal jaati hai

Ban ke simaab har ik zarf mein dhal jaati hai

Ziist ke aahanii saanche mein bhii dhalnaa hai tujhe

Utth meri jaan mere saath hii chalna hai tujhe

Zindagi jehd mein hai sabr ke qaabu mein nahiin

Nabz-e-hasti ka lahu kaanpte aansu mein nahiin

Udne khulne mein hai nikhat ḳham-e-gesu mein nahiin

Jannat ik aur hai jo mard ke pahlu mein nahiin

Uss kii azaad ravish par bhii machalna hai tujhe

Utth meri jaan mere saath hii chalna hai tujhe

Goshe goshe mein sulagti hai chita tere liye

Farz ka bhes badalti hai qaza tere liye

Qahr hai teri har ik narm adaa tere liye

Zahr hii zahr hai duniya kii hawa tere liye

Rut badal daal agar phulna phalna hai tujhe

Utth meri jaan mere saath hii chalna hai tujhe

Qadr ab tak teri tariikh ne jaani hii nahiin

Tujh mein sholey bhii hai bas ashk-fishani hii nahiin

Tu haqiqat bhii hai dilchasp kahani hii nahiin

Teri hasti bhii hai ik chiiz jawani hii nahiin

Apni tariikh ka unwaan badalna hai tujhe

Utth meri jaan! mere saath hii chalna hai tujhe

Torh kar rasm ka but band-e-qadaamat se nikal

Zof-e-ishrat se nikal wahm-e-nazaakat se nikal

Nafs ke khiinche hue halqa-e-azmat se nikal

Qaid ban jaae mohabbat to mohabbat se nikal

Raah ka khaar hii kya gul bhii kuchalna hai tujhe

Utth meri jaan! mere saath hii chalna hai tujhe

Torh ye azm-shikan daġhdaġha-e-pand bhii torh

Teri ḳhatir hai jo zanjir woh saugand bhii torh