Eftir a bit ah went through tae the front room and noted that Solo and Jasco were asleep oan the couch. Ah left and wandered for a while through the city, ecky heads going to and coming from clubs smiling, arm in arm; pish-faces staggering down the road groaning songs and other cunts cocktailed oan aw sorts ay drugs.

9

Ally isnae amused and Woodsy’s the source of his irritation. – That cunt, man, thinks eh kin jist swan in here like the pre-heart-attack Graeme Souness oan high-grade cocaine spoutin the contents ay Mixmag like we used tae dae wi the NME when we were younger, and every cunt’s meant tae say: Wow Woodsy, man, right on, ya cunt, wow man, and queue up tae suck oan his cheesy wee helmet. That. Will. Be. Fuckin. Right.

– He’s bad enough now, wait till ye see the cunt once he actually gets his hole, Monts smirked.

– Thankfully, there isnae much chance ay that, man, Ally smiles, – that’s what it’s aboot, man, this arrogance. It’s just defiance. He’s no hud his fuckin hole in yonks. That fucks up any cunt’s self-esteem. This ego-projection, man, is just the cunt’s wey ay copin. Once he gets his hole, he’ll actually calm doon. That’s what aw this religion shite’s aboot.

– Well ah hope eh does. Either that or ah hope he just gits so fuckin arrogant that he willnae even talk tae the likes ay us. Then it would be problem solved, Monts decides.

– Ah’d get a whip-round, man, thegither n pey fir a hoor tae dae the business oan the cunt, if it helped tae sort his heid oot, Ally said.

– Woodsy’s awright, ah said. Ah was daein a gig wi him the morn so that obliged ays tae back the cunt up. – Ah mean, ah dinnae mind aw the referencing ay DJs n clubs aw the time. That’s cool, save me buying Mixmag and DJ hearin that cunt recitin it tae ye. It’s the religion shite ah cannae really git tae grips wi. Tell ye what though, man, ah respect the cunt for it.

– Fuck off, Lloyd, Ally says dismissively.

– Naw, ah thought it was a fad. Then ah read that book by that cunt that writes aboot E whae wis sayin that he kens monks and rabbis that take it tae get in touch wi thir spirituality.

– Lick on, dug’s baws, Ally grins, – so man, you’re tryin tae tell ays that eh talked tae God at Rezurrection?