– Cause as ah say, ah’m jist tryin tae make a livin. But these guys, they’re jist rubbish. They’ve goat the money tae go oot tae fuckin clubs aw night, but they steal food fae the likes of me. That’s fuckin out of order.

– Naw, man, naw; ah admire they boys … they know that the game isnae fuckin straight. They know that there’s a Government fill ay dull, boring bastards who gie the likes ay us fuck all and they expect ye tae be as miserable as they are. What they hate is when yir no, in spite ay aw thair fuckin efforts. What these cunts fail tae understand is that drug and club money is not a fuckin luxury. It’s a fuckin essential.

– How can ye say that?

– Because we are social, collective fucking animals and we need to be together and have a good time. It’s a basic state of being alive. A basic fuckin right. These Government cunts, because they’re power junkies, they are just incapable of having a good fuckin time so they want everybody else tae feel guilty, tae stey in wee boxes and devote their worthless lives tae rearing the next generation of factory fodder or sodgers or dole moles for the state. It’s these boys’ duty as human fuckin beings tae go oot clubbin and partying wi their friends. Now, they need tae eat from time to time, it’s obviously important, but it’s less important than having a good fuckin time.

– Ye cannae admire people like that. That’s jist rubbish, thon.

– Ah do admire the guys. Massive respect from Lloyd here; Leith’s Lloyd, the one that never shagged his sister: massive respect tae they boys Richard and Robert fae Glesgie … dear auld Glesca toon …

– Thought you said ye didnae know them? Red Sandstone’s hurt face pouts out at me surrounded by a cacophony of clattering sounds and throbbing, pulsating lights …

– Ah know them as Richard and Robert; that’s it, mate. I’ve blethered wi the boys, in chill-oot zones n that. That’s as far as it goes … listen, ah’m fucked. Ah could be dying. Ah need tae get ma heid doon or something or another Sol …

The Sol and the Daiquiri and the Long Island Iced Tea are empty and ah cannae remember who drank them surely ah never ah mean