Crowd gone quiet, people stop nyam dem food

An dem watch and dem see this wicked emcee

This beautiful gyal all dress up in green

Nails done nice, hair cris, wha yuh mean

Di baddest likkle gyal dem evah did see

Me seh ah one step fahwahd an ah two step back

Me seh ah tree step fahwahd an ah six step back

Me seh ah four step fahwahd an ah one step back

Me seh ah one half fahwahd an ah one half back

Me seh di heat ah di night ah come up thru di floor

Black smoke ah rise tho dem nevah did know

Di music ah jam an di young man ah chat

Word fly from him lip like vampire bat

An di gyal dem ah dance an di man dem ah rock

Drink six rum an black an di beat dem ah drop

Darkness descend and di room gone black

Voices ah call seh dem haffi get out

Voices ah call seh dem haffi get out

Screamin begin an di people ah shout

Me seh screamin begin an di people ah shout

Dem ah covah dem head an ah covah dem mouth

Me seh ah two step fahwahd an ah two step back

Me seh ah tree step fahwahd an ah six step back

Me seh ah four step fahwahd an ah one step back

Me seh ah one half fahwahd an ah one half back

Down pun di street yuh see body face down

Pickney fly thru di air an mash up pun di ground

Flames dem ah fly an ah furious red

Bwoy fall from di window an yuh know seh him dead

Gyal fall back inside an we no see her no more

No bright green dress up pon di third floor

Police man come an fireman too

Dem startle dem scared an no know wha fi do

Mudda she ah cry an she nah have no shoes

Man dem ah look but to help dem refuse

Fren dem shock by di scale ah di loss

Black smoke ah billow down there in New Cross

Me seh black smoke ah billow at di house in New Cross

Me seh black smoke ah billow at di house in New Cross

Me seh blood ah goh run for di pain of di loss

Me seh black smoke ah billow at di house in New Cross

Me seh ah left side fahwahd an me right side back

Bust up left side right side haffi change tack

Me seh half de revalushun deh pun de attack

Only half a salushun to de tings dem we lack

Me seh ah two step fahwahd an ah two step back

Me seh ah tree step fahwahd an ah six step back

Me seh ah four step fahwahd an ah one step back

Me seh ah one half fahwahd an ah one half back

Clearing

He takes my head and places it in a plastic bag